நோக்கு
நியாயமான சட்டத்தை மதிக்கின்ற சமுதாயத்தைக் கட்டியெழுப்புதல்.
செயற்பணிகள்
நீதிமன்றங்கள், சட்டத்தை அமுல்படுத்துகின்ற நிறுவனங்கள் மற்றும் பிற நிறுவனங்களுக்கு சட்ட மருத்துவ, மற்றும் உணவு விஞ்ஞானம் பற்றிய பகுப்பாய்வு, அறிவுரை மற்றும் மதியுரை சேவைகளை வழங்குதல்.
செயற்பாடுகள்
இலங்கையிலுள்ள ஒரேயொரு சட்ட ஆய்வுகூடமான அரசாங்க பகுப்பாய்வாளர் திணைக்களம் உணவு விஞ்ஞானப்பிரிவு, தடயவியல் விஞ்ஞானப்பிரிவு ஆகிய இரு பிரதான பிரிவுகளைக் கொண்டுள்ளது. உணவு விஞ்ஞானப் பிரிவானது உணவு, மதுபானம், பால் மற்றும் நீர் ஆகிய நான்கு ஆய்வுகூடங்களை உள்ளடக்கியுள்ளது. தடயவியல் விஞ்ஞானப் பிரிவானது எறிபடை தடயவியல் பிரிவு, நீர்ப்பாய தடயவியல் மற்றும் DNA பிரிவு, நச்சு தடயவியல் பிரிவு, வெடிபொருட்கள் மற்றும் தீ புலனாய்வுப் பிரிவு, போதைப் பொருள் தடயவியல் பிரிவு, சந்தேகத்திற்குரிய ஆவணங்கள் தடயவியல் பிரிவு, மற்றும் நானாவித தடயவியல் பிரிவு ஆகிய ஏழு துறைகளைக் கொண்ட 11 உப பிரிவுகளைக் கொண்டுள்ளது.
அறிவுரைகள் ஆலோசனைகள் மற்றும் விஞ்ஞான சேவைகள் வழங்குவதன் மூலம் இது சேவை வழங்கும் ஒரு திணைக்களமாவதுடன் நீதிமன்றங்கள், பொலிஸ், சுங்கத் திணைக்களம், மதுவரி திணைக்களம், துறைமுகங்கள், உள்ளுராட்சி நிறுவனங்கள், சுகாதாரம், பிற அரசாங்க திணைக்களங்கள் மற்றும் நியதிச்சட்ட நிறுவனங்களில் இருந்துபெறப்படும் சான்றுப் பொருட்களை விஞ்ஞான பரிசோதனை மற்றும் ஆய்வு செய்து ஆய்வு அறிக்கைகளை வழங்குகிறது. இதற்கு மேலதிகமாக பல்வேறு அரசாங்க திணைக்களங்கள் மற்றும் அரசாங்க அனுசரணை பெறுகின்ற நிறுவனங்களின் மூலம் சமர்ப்பிக்கப்படுகின்ற உணவுகள், மதுபானங்கள், பால் மற்றும் பால் உற்பத்திப் பொருட்கள் தரக்கட்டுப்பாட்டு அலுவல்களுக்காக பரிசோதனை செய்யப்படுவதுடன் இலங்கை சுங்கத்தால் ஆற்றுப்படுத்தப்படுகின்ற மாதிரிகள் தரம் மற்றும் சுங்கவரி வகைப்படுத்தலுக்காக பரிசோதனை செய்யப்படுகின்றன. மேலும் நாடு முழுவதிலுமுள்ள நீதிமன்றங்களால் சமர்ப்பிக்கப்படுகின்ற சந்தேகத்திற்குரிய ஆவணங்களை பரிசோதனை செய்து அறிக்கையிடுதலும் இத் திணைக்களத்தின் மூலம் செய்யப்படுகின்றது.
பரிசோதனைக்காக சமர்ப்பிக்கப்படும் சான்றுப் பொருட்கள் அல்லது மாதிரிகள், உணவு மற்றும் மருந்துகள் சட்டம், தேசிய சுற்றாடல் சட்டம், மதுவரிக் கட்டளைச் சட்டம், புகையிலை மற்றும் மதுபான தேசிய அதிகாரசபை சட்டம், ஒப்பனைப் பொருட்கள் அவுடதங்கள் மற்றும் சாதனங்கள் சட்டம், பீடைகொல்லிகள் கட்டுப்பாட்டுச் சட்டம், சுடுகலன் கட்டளைச் சட்டம், விசம், அபின் மற்றும் அபாயகர ஒளடத சட்டம், வெடிபொருள் சட்டம், தீங்கு விளைவிக்கும் ஆயத சட்டம், மோட்டார் வாகன போக்குவரத்துச் சட்டம், குற்றவியல் நடவடிக்கைமுறை சட்டக்கோவை, குடியியல் நடவடிக்கைமுறை சட்டக்கோவை, சான்றுகள் கட்டளைச்சட்டம் போன்ற பல்வேறு சட்டங்கள் மற்றும் கட்டளைச்சட்டங்களின் கீழ் பரிசோதனைக்கு உட்படுத்தப்பட்டு அறிக்கை வழங்குதல் இத்திணைக்களத்தினால் மேற்கொள்ளப்படுகின்றது.
இதற்கு மேலதிகமாக பிற அரசாங்க திணைக்களங்கள் மற்றும் அரசாங்கத்தின் ஆதரவு பெறுகின்ற நிறுவனங்களிற்கு தேவைப்படும் சந்தர்ப்பங்களில் விஞ்ஞான மதியுரைஞராகவும் இத்திணைக்களம் செயலாற்றுகிறது. விசேஷமாக, இலங்கை கட்டளைகள் நிறுவனத்திற்கு தரத்தை உருவாக்குவதில் இந்நிபுணர்களின் பங்களிப்பு முக்கயமானதாகும். இந்நிபுணர்கள் பாதுகாப்பு அமைச்சின் தொழில்நுட்ப மதிப்பீட்டுக் குழுவிற்கு ஆயுதங்கள் மற்றும் உபகரணங்கள் வாங்க உதவிபுரிகின்றனர்.
இத் திணைக்களம் 2013 மே மாதம் முதல் பத்தரமுல்லை பெலவத்தையில் அமைந்துள்ள நவீன தொழில்நுட்ப வசதிகளுடன் கூடிய புதிய கட்டிடமொன்றிற்கு கொண்டுசெல்லப்பட்டுள்ளது. அத்தியாவசியமாகத் தேவைப்படும் டீ.என்.ஏ. ஆய்வுகூடமென்று தேவையான எல்லா உபகரணங்களுடனும் இவ்வளாகத்தில் நிர்மாணிக்கப்பட்டுள்ளது. நீதிமன்ற சான்றுப்பொருட்களின் பகுப்பாய்வு வேலைகள் ஆரம்பிக்கப்பட்டுள்ளன. இத்திணைக்களம் குருநாகலில் மாகாண ஆய்வுகூடமொன்றை நிறுவியுள்ளது.
இல 31, இசுறு மாவத்தை,
பெலவத்த,
பத்தரமுல்ல.
+94 112 176 800 / +94 112 786 395
+94 112 786 394
அரசாங்க பகுப்பாய்வாளர் திணைக்களத்தின் உத்தியோகபூர்வ இணைய தளத்தை பார்வையிட இங்கே சொடுக்குக
நோக்கு
அசையா சொத்து சம்பந்தப்பட்ட கடனை திருப்பி செலுத்துவதற்கு பாதிக்கப்பட்ட பொது மக்களுக்கு ஒரு நிவாரண ஏற்பாட்டை வழங்குதல்.
செயற்பணிகள்
கடன் கொடுக்கல் வாங்கல்களுக்காகவே எழுதப்பட்ட அடைவு முறிகள், நிபந்தனையுடன் கூடிய உறுதி மற்றும் அறுதி என்பவற்றின் மீது பெறப்பட்ட கடன்களை குறைந்த வட்டி வீதத்துடன் தவணை முறையில் செலுத்துவதன்மூலம் பிணையாக வைக்கப்பட்ட விவசாய நிலங்கள், வீடு போன்ற அசையா சொத்துக்களை திரும்பப் பெறுவதற்கு கடன்பட்டோருக்கு சட்டப் பாதுகாப்பையும் உதவியையும் வழங்கல்
குறிக்கோள்
அசைவற்ற ஆதனங்கள் தொடர்பான கடன் கொடுக்கல் வாங்கல்களுக்காகவே எழுதப்பட்ட அடைவு முறிகள், நிபந்தனையுடன் கூடிய உறுதி மற்றும் அறுதி என்பவற்றின் மீதான கடன்களை மீளச் செலுத்துவதன்மீது தீர்வொன்றை எட்டுவதற்கு சம்பந்தப்பட்ட தரப்பினருக்கு உதவுதல்.
1941ம் ஆண்டின் 39 ம் இலக்க கடன் இணக்க சபை கட்டளைச்சட்டத்தின் கீழ் இத் திணைக்களம் தாபிக்கப்பட்டது. இத் திணைக்களமானது காணி, நெல்வயல்கள், பெருந்தோட்டங்கள், வீடுகள் போன்ற அசைவற்ற ஆதனங்களின் உறுதியை நிபந்தனையுடன் பிணைவைத்து பெற்றுக்கொண்ட கடன்களின் மூலமும் சத்தியக்கடதாசி மற்றும் காசோலை போன்ற ஆவணங்களின்மீது பெறப்பட்ட பிணையற்ற கடன்களின் மூலம் ஏற்பட்ட கடன்சுமைக்கு உள்ளான மக்களுக்கு ஏதாவது நிவாரணத்தை பெற்றுக்கொடுக்கும் நோக்குடன் ஆரம்பிக்கப்பட்டது.
1999ம் ஆண்டின் 29ம் இலக்க திருத்த சட்டம் கடன் கொடுக்கல் வாங்கல்களுக்காகவே எழுதப்பட்ட அறுதியுறுதிகளின் மீது இச்சபை இடையீடு செய்வதற்கு வழிவகுத்து இதன் நிவாரண உதவி நடவடிக்கைகளை மேலும் விரிவடையச் செய்துள்ளது.
இச் சபையின் செயற்பாட்டின் மூலம் கடன் கொடுத்தவர்களால் கடன்பட்டவர்கள் சுரண்டப்படுவதற்கு உள்ள சந்தர்ப்பங்கள் முடக்கப்படுகின்றன. சபையின் தலையாய நோக்கம் இது எனினும் கடன் கொடுத்தவர்களுக்கும் அநீதி ஏற்படுவதற்கு இடமளிக்காது. ஈட்டு உறுதிகளின் மீது மற்றும் நிபந்தனையுடனான அறுதியுறுதிகளின் மீது வைக்கப்பட்டுள்ள அசைவற்ற ஆதனங்கள் தொடர்பில் கடனாளிக்கு இலகுவானதும் கடன் கொடுத்தவர் ஏற்றுக் கொள்ளக் கூடியதுமான நிபந்தனைகள் மீது அவ்வாதனங்களை மீட்டுக் கொள்வதற்கு உதவியளித்தல் இச்சபையின் நோக்கமாகிறது.
கடன் இணக்க சபையானது அமைச்சரால் நியமிக்கப்பட்ட ஐந்து (5) உறுப்பினர்களைக் கொண்டுள்ளதுடன் அவரில் ஒருவர் சபையின் தலைவராக அமைச்சரால் நியமிக்கப்படுவார். சபைக்கு சமர்ப்பிக்கப்படும் விண்ணப்பங்களுக்கு எந்தவித கட்டணங்களும் அறவிடப்படுவதில்லை. அத்துடன் இச்சபையில் மேற்கொள்ளப்படும் நடவடிக்கைகளுக்கு முத்திரைத் தீர்வை எதுவும் கிடையாது. வர்த்தமானி மற்றும் அறிவித்தல் கட்டணமாக ஒரு சிறிய தொகை மாத்திரமே அறவிடப்படுகிறது. ஆகவே கடன் சுமையால் பாதிக்கப்பட்ட சராசரி நபரொருவருக்கு மிகப்பெரிய சேவையொன்று வழங்கப்படுகிறது. விண்ணப்பதாரர் சட்டத்தரணிகள் மூலம் தம்மை பிரதிநிதித்துவப்படுத்த வேண்டியது கட்டாயமில்லாதிருப்பது பொதுமக்களுக்கு ஆறுதலாக உள்ளது.
இச்சபையின் நடைமுறை நீதிமன்ற நடைமுறையிலிருந்து வேறுபட்டது. இச்சபையில் எட்டப்படும் உடன்படிக்கைகள் கட்சிக்காரர்களினது இணக்கத்துடன் ஏற்படுதேயன்றி சபையின் பணிப்பின்மூலம் அமுல்படுத்தப்படுவதல்ல. அவ்வாறாயினும் நியாயமற்ற வட்டிகளை குறைப்பதற்கு சபையினால் முன்வைக்கப்படுகின்ற நியாயமான முன்மொழிவுகளை கடன் கொடுத்தவர்கள் ஏற்றுக்கொள்ளாதுவிடின் அது தொடர்பாக கட்டளைச் சட்டத்தின் கீழ் கடனாளிக்கு சான்றிதழ் ஒன்றை வழங்குவதற்கும் சபைக்கு தத்துவங்கள் உள்ளன. அத்துடன் கடன் கொடுத்தவர் இறுதி விசாரணைக்காக வழங்கப்பட்ட அறிவித்தலின் படி விசாரணைக்கு சமூகமளிக்காவிடின் மறுகட்சியின்றி வழக்கு விசாரணை ஒன்றின் பின்னர் கடனாளிக்கு சான்றிதழ் ஒன்று வழங்கப்படுகின்றது. ஆயினும் அவ்வாறு செய்யப்படுவது பதிவு அஞ்சலில் அல்லது கிராம உத்தியோகத்தர் மூலம் சந்தர்ப்பத்திற்கேற்றவாறு கடன்கொடுத்தவரிற்கு அறிவித்து கடன் கொடுத்தவர் வேண்டுமென விசாரணைக்கு சமூகமளிப்பதை தவிர்த்துக் கொள்கிறார் என சபை உணருமிடத்து மாத்திரமே இத்தகைய சந்தர்ப்பமொன்றில் அத்தகைய சான்றிதழ் ஒன்றை வழங்குவதனால் ஏற்படும் நன்மை கடனாளியைச் சேரும்.
நீதிமன்றத்தில் அந்ந விடயம் சம்பந்நமாக வழக்கு விசாரணை ஒன்று நடைபெறும் சந்தர்ப்பத்தில் இச் சான்றிதழை நீதிமன்றத்தில் சமர்ப்பித்தால் கடன் செலுத்துவதற்கு அதிகபட்சம் 10 ஆண்டுகள் வரை கால அவகாசம் வழங்குவதற்கும் வட்டியை குறைந்த வட்டி விகிதமாக மாற்றுவதற்கும் கடன் இணக்க கட்டளைச்சட்டத்தின் கீழ் அதிகாரம் அளிக்கப்பட்டுள்ளது.
சேயலாளர்,
கடன் இணக்க சபைத் திணைக்களம்
இல. 46,48,
ஆசார்ய.எந்.எம்.பெரேரா மாவத,
பொறளை,
கொழுமுபு 08 .
சேயலாளர் : +94 112 697 910
அலுவலகம் : +94 112 697 911
+94 112 334 816
| View & Download | |
| Application For Relief Under the Debt Conciliation Ordinance |  |
| Instructions to Complete the Application | |
| Functions of the Department of Debt Conciliation Board | |
முக்கிய பங்கு
மாஜிஸ்திரேட் இல்லாத நிலையில் மாஜிஸ்திரேட் நீதிமன்றத்தின் செயல்பாடுகளை கவனிப்பதற்கு சமாதான மற்றும் அதிகாரப்பூர்வமற்ற நீதவான் நீதிபதி பெஞ்சிற்கு தலைமை தாங்க அதிகாரம் உள்ளார்.
தகைமைகள்
15 வருட அனுபவமுள்ள சட்டத்தரணியாக இருக்க வேண்டும்.
விண்ணப்பிக்கும் நடைமுறை
சரியாகப் பூர்த்திசெய்யப்பட்ட உத்தியோகபூர்வமற்ற நீதவான் பதவிக்கான விண்ணப்பத்தை உரிய சான்றிதழ்களுடனும் பரிந்துரைகளுடனும் பெயர்ப்பட்டியலில் சேர்க்கப்பட்ட சான்றிதழின் சான்றுப்படுத்தப்பட்ட பிரதியுடனும் 'செயலாளர், நீதி அமைச்சு, கொழும்பு 12' என்ற முகவரிக்கு அனுப்ப வேண்டும் அல்லது குறித்த பிரிவில் ஒப்படைக்க முடியும்.
விண்ணப்ப படிவங்களைப் பெறுதல்
விண்ணப்பங்களை அமைச்சில் அவ்விடயத்திற்குப் பொறுப்பான உத்தியோகத்தரிடமிருந்து பெற்றுக்கொள்ள முடியும்.
விண்ணப்ப படிவங்களுக்குச் செலுத்த வேண்டிய கட்டணம்
கட்டணம் அறவிடப்பட மாட்டாது.
விண்ணப்பங்களைச் சமர்ப்பித்தல்
விண்ணப்பங்களைப் பதிவுத்தபால் மூலம் அனுப்பலாம் அல்லது நீதி அமைச்சின் குறித்த பிரிவில் வழமையான அலுவலக நேரத்தில் ஒப்படைக்கலாம்.
சேவைக் கட்டணம்
இச் சேவைக்கு கட்டணம் அறவிடப்பட மாட்டாது.
சேவை வழங்குவதற்கான காலம்
ஏறக்குறைய இரண்டு வாரங்கள்
சமர்ப்பிக்க வேண்டிய ஆவணங்கள்
- பெயர்ப் பட்டியலில் சேர்க்கப்பட்ட சான்றிதழின் சான்றுப்பபடுத்தப்பட்ட பிரதி.
- உத்தியோகபூர்மற்ற நீதவான் பதவிக்காக அமைச்சிலிருந்து பெறப்பட்ட விண்ணப்பத்தைப் பூர்த்திசெய்து உரிய பரிந்துரைகளுடன் சமர்ப்பிக்க வேண்டும்.
இந்த விடயத்திற்குப் பொறுப்பான பதவிநிலை உத்தியோகத்தர்கள்
மாதிரி விண்ணப்ப படிவம்
இணைப்பு -1 இல் மாதிரி விண்ணப்ப படிவம் இணைக்கப்பட்டுள்ளது.
*Please be kindly informed that the granting of Justice of the Peace and Unofficial Magistrate appointments has been temporarily suspended. During this period, no new applications will be accepted, and no appointments will be issued. This decision remains in effect until further notice, and any changes will be announced on this website.
சத்தியப்பிரமாணம் செய்த மொழிபெயர்ப்பாளர் – உள்நாட்டு மொழிகள்
தகைமைகள்
- நீதி அமைச்சினால் நடாத்தப்படும் எழுத்து மூலமான பரீட்சையில் சித்தியடைதல்.
விண்ணப்பங்களை சமர்பிப்பதற்கான நடைமுறைகள்
- விண்ணப்பங்களை சமர்ப்பிப்பதானது நிகழ்நிலை (Online) முறையூடாக மாத்திரம் இருப்பதுடன் அதனுடன் தொடர்புடைய இணைப்பானது (Link) தகவலின் இறுதியில் காட்டப்பட்டுள்ளது.
- விண்ணப்பங்கள் சரியானதாக பூரணப்படுத்தப்படுவதுடன் மேலும் விவரங்களை வழங்குவதற்காக தங்களது மின்னஞ்சல் முகவரி (email) மற்றும் தொலைபேசி இலக்கம் ஆகியவற்றினையும் சரியானதாக குறிப்பிடப்படல் வேண்டும்.
- பரீட்சைக் கட்டணம் செலுத்தப்பட்ட பற்றுச் சீட்டின் மூலப்பிரதியை சரியான முறையில் பதிவேற்றம் (Upload) செய்தல் வேண்டும்.
- வினாப்பத்திரங்கள் பின்வரும் வகையில் தயாரிக்கப்படுவதுடன் பரீட்சையில் ஒன்றுக்கு மேற்பட்ட வினாப்பத்திரங்களை எதிர்கொள்ள விரும்பும் விண்ணப்பதாரர்கள் பொருத்தமான கட்டணத்தை செலுத்தி விண்ணப்பிக்க முடியும்
சிங்களம்/ ஆங்கிலம்
சிங்களம்/ தமிழ்
தமிழ்/ ஆங்கிலம்
- வருடம் முழுவதும் விண்ணப்பங்கள் ஏற்றுக்கொள்ளப்படுவதுடன் ஆகஸ்ட் 31 ஆம் திகதி அல்லது அதற்கு முன்னர் அனுப்பப்பட்டுள்ள விண்ணப்பங்களுக்கான பரீட்சை அவ்வருடத்திலேயே நடாத்தப்படும்.
- பரீட்சை நடாத்தப்படும் தினத்திற்கு முன்னர் பரீட்சை அனுமதி இவ்வலைத்தளதினூடாக (Web) விண்ணப்பதாரர்களுக்கு அனுப்பப்படும்
பரீட்சைக் கட்டணம்
- உள்நாட்டு மொழிகளுக்கான பரீட்சைக் கட்டணம் பின்வருமாறு அமையும்.
சிங்களம்/ ஆங்கிலம் - ரூபா. 1000.00
சிங்களம்/ தமிழ் - ரூபா. 1000.00
தமிழ்/ ஆங்கிலம் - ரூபா. 1000.00
- பரீட்சைக் கட்டணம் செயலாளர், நீதி அமைச்சு என்ற பெயரில் மக்கள் வங்கியின் மத்திய நகர கிளையில் இருக்கின்ற 176-1-001-9-9025184 எனும் கணக்கிலக்கத்திற்கு வரவு வைத்து அப்பற்றுச்சீட்டின் மூலப் பிரதியை சரியாக பதிவேற்றம் (Upload) செய்தல் வேண்டும்.
தெரிவு செய்தல் மற்றும் நியமித்தலுக்கான செயல் நடைமுறைகள்
- மேற்குறிப்பிடப்பட்ட பரீட்சையினை சித்தியடைந்த விண்ணப்பதாரர்கள் தான் வசிக்கும் பிரதேசத்தில் மாவட்ட நீதிமன்ற நீதிவான் முன்னிலையில் சத்தியப்பிரமாணம் செய்துகொண்டதன் பின்னர் சத்தியப்பிரமாணம் செய்த மொழிபெயர்ப்பாளர்களாக நியமிக்கப்படுவர்.
- தகைமை வாய்ந்த விண்ணப்பதாரர்கள் நியமனம் பெறுவதற்கு தகைமை பெறுவதாக பரிந்துரை செய்யும் கடிதம் உள்ளடங்கலாக அவ்விண்ணப்பதாரரின் வதிவிடத்தின் மாவட்ட நீதிமன்ற நீதவானுக்கு அனுப்பப்படுவதுடன் அதன் பிரதியொன்று விண்ணப்பதாரருக்கும் அனுப்பப்படும்.
- அந்நியமனக் கடிதம் பெற்றுக்கொண்டதன் பின் தகைமை பெற்ற சகல விண்ணப்பதாரர்களும் மாவட்ட நீதவான் முன்னிலையில் சத்தியப்பிரமாணம் செய்து கொள்வதற்கு மாவட்ட நீதிமன்றத்தின் பதிவாளரிடம் அதற்கான திகதியொன்றினைப் பெற்றுக்கொள்ள வேண்டும்.
- மாவட்ட நீதிமன்றத்தில் சத்தியப்பிரமாணம் செய்துகொண்ட சகல மொழிபெயர்ப்பாளர்களும் சத்தியப்பிரமாணம் செய்துகொண்ட உடனே சத்தியப்பிரமாணம் அல்லது சான்றிதழுடன் நியமனக் கடிதத்தின் உறுதிப்படுத்தப்பட்ட பிரதியொன்றினை நீதி அமைச்சுக்கு அனுப்ப வேண்டும்.
Apply Online
சத்தியப்பிரமாணம் செய்த மொழிபெயர்ப்பாளர் - வெளிநாட்டு மொழிகள்
தகைமைகள்
- நீதி அமைச்சினால் நடாத்தப்படும் எழுத்துப் பரீட்சையொன்று அல்லது தகைமைகளை மதிப்பிடும் பரீட்சையொன்றில் சித்தியடைதல்.
விண்ணப்பங்களை சமர்பிக்கும் நடைமுறைகள்
- விண்ணப்பங்கள் சமர்பித்தலானது நிகழ்நிலை (Online) முறையூடாக மட்டும் செய்தல் வேண்டும்.
- கூகுல் படிவம் (Google form) சரியாகப் பூரணப்படுத்தப்பட வேண்டியதுடன் மேலும் விவரங்களை வழங்குவதற்காக தங்களது மின்னஞ்சல் முகவரி (email) மற்றும் தொலைபேசி இலக்கத்தினையும் சரியானதாக குறிப்பிடப்படல் வேண்டும்.
- பரீட்சைக் கட்டணம் பற்றி பின்பு அறியத்தரப்படும்.
- வருடம் முழுவதும் விண்ணப்பங்கள் எற்றுக்கொள்ளப்படுவதுடன் ஆகஸ்ட் 31 ஆம் திகதி அல்லது அதற்கு முன்னர் அனுப்பப்பட்டுள்ள விண்ணப்பங்களுக்கான பரீட்சை செப்தெம்பர் மாதத்தில் நடாத்தப்படும்.
- பரீட்சை நடாத்தப்படும் தினத்திற்கு முன்னர் பரீட்சை அனுமதி இவ்வலைத் தளத்தினூடாக (web) விண்ணப்பதாரர்களுக்கு அனுப்பப்படும்.
பரீட்சைக் கட்டணம்
- பரீட்சைக் கட்டணம் தொடர்பாக தங்களது மின்னஞ்சலூடாக (email) மட்டுமே அறிவிக்கப்படும்.
தெரிவுசெய்தல் மற்றும் நியமித்தலுக்கான செயல் நடைமுறைகள்
- மேற்குறிப்பிடப்பட்ட பரீட்சையில் சித்தியடைந்த விண்ணப்பதாரர்கள் தான் வசிக்கும் பிரதேசத்தின் மாவட்ட நீதவான் முன்னிலையில் சத்தியப்பிரமாணம் செய்துகொண்டதன் பின் சத்தியப்பிரமாணம் செய்த மொழிபெயர்ப்பாளர்களாக நியமிக்கப்படுவர்
- தகைமை வாய்ந்த விண்ணப்பதாரர்கள் நியமனம் பெறுவதற்கு தகைமை பெறுவதாக பரிந்துரை செய்யும் கடிதம் உள்ளடங்கலாக அவ்விண்ணப்பதாரரின் வதிவிடத்தின் மாவட்ட நீதிமன்ற நீதவானுக்கு அனுப்பப்படுவதுடன் அதன் பிரதியொன்று விண்ணப்பதாரருக்கும் அனுப்பப்படும்.
- அந்நியமனக் கடிதம் பெற்றுக்கொண்டதன் பின் தகைமை பெற்ற சகல விண்ணப்பதாரர்களும் மாவட்ட நீதவான் முன்னிலையில் சத்தியப்பிரமாணம் செய்து கொள்வதற்கு மாவட்ட நீதிமன்றத்தின் பதிவாளரிடம் அதற்கான திகதியொன்றினைப் பெற்றுக்கொள்ள வேண்டும்.
- மாவட்ட நீதிமன்றத்தில் சத்தியப்பிரமாணம் செய்துகொண்ட சகல மொழிபெயர்ப்பாளர்களும் சத்தியப்பிரமாணம் செய்துகொண்ட உடனே சத்தியப்பிரமாண சான்றிதழுடன் நியமனக் கடிதத்தின் உறுதிப்படுத்தப்பட்ட பிரதியொன்றினை நீதி அமைச்சுக்கு அனுப்ப வேண்டும்.
Apply Online
கடந்தகால பரீட்சை வினாப்பத்திரங்கள்
சத்தியப்பிரமாண மொழிபெயர்ப்பாளர் தேர்வு - உள்ளூர் மொழிகள் (2025)
சத்தியப்பிரமாண மொழிபெயர்ப்பாளர் உள்ளூர் மொழித் தேர்வுக்குத் தகுதி பெற்றவர்களின் பட்டியல் கீழே காட்டப்பட்டுள்ளது.
அதன்படி, 31.08.2025 அன்று அல்லது அதற்கு முன்பு சரியாக பணம் செலுத்திய விண்ணப்பதாரர்கள் மட்டுமே 2025 ஆம் ஆண்டில் நடைபெறும் தேர்வுக்கு தகுதி பெறுவார்கள். 31.08.2025 க்கு முன்பு பணம் செலுத்திய பிறகு தொழில்நுட்ப பிழைகள் காரணமாக விண்ணப்பிக்க முடியாத விண்ணப்பதாரர்கள் பின்வரும் ஆவணங்கள் மற்றும் தகவல்களை நீதி அமைச்சகத்தின் வலை முகவரிக்கு அனுப்ப வேண்டும்.
தேவையான ஆவணங்கள்
- 31.08.2025 அன்று அல்லது அதற்கு முன்னர் முறையாக செலுத்தப்பட்ட ரசீதின் தெளிவான புகைப்படம் அல்லது காட்சி நகல் தேவையான தகவல்
தேவையான தகவல்
- முழு பெயர் (திரு, திருமதி, திரு, பிற)
- முகவரி
- அனுமதி இலக்கம்
- ஐடி இலக்கம்
- மாவட்டம் (நிரந்தர வசிப்பிடத்தின் அடிப்படையில்)
- மாவட்ட நீதிமன்றம் (நிரந்தர வசிப்பிடத்தின் அடிப்படையில்)
- மொழி வகை
- இரண்டு தொலைபேசி இலக்கங்கள்
- மின்னஞ்சல் முகவரி
மாவட்ட நீதிமன்றம் மற்றும் தொடர்புடைய மாவட்ட நீதிமன்றம் விண்ணப்பதாரரின் நிரந்தர முகவரிக்கு ஏற்ப குறிப்பிடப்பட வேண்டும். தகுதிவாய்ந்த விண்ணப்பதாரர்களின் பட்டியலில் ஏதேனும் திருத்தங்கள் இருந்தால், தயவுசெய்து
தேர்வு தொடர்பான மேலதிக தகவல்கள் www.moj.gov.lk என்ற அதிகாரப்பூர்வ வலைத்தளம் மற்றும் விண்ணப்பதாரரின் பதிவு செய்யப்பட்ட மின்னஞ்சல் முகவரி மூலம் விரைவில் தெரிவிக்கப்படும்.
சத்தியப்பிரமாண மொழிபெயர்ப்பாளர் தேர்வு - உள்ளூர் மொழிகள் (2024)
| Language | Cut-off Marks |
| Sinhala/English | 45 |
| Sinhala/Tamil | 42 |
| Tamil/English | 44 |
View Results
மறுபரிசீலனை
சத்தியப்பிரமாண மொழிபெயர்ப்பாளர் உள்ளூர் மொழித் தேர்வின் மறுபரிசீலனை முடிவுகள் இப்போது கிடைக்கின்றன, மேலும் விண்ணப்பதாரர்கள் தங்கள் முடிவுகளை பின்வரும் வழிகளில் அணுகலாம்:
2024 ஆம் ஆண்டுக்கான சத்தியப்பிரமாண மொழிபெயர்ப்பாளர் உள்ளூர் மொழித் தேர்வுக்கான பரிந்துரைக் கடிதங்கள்
வெற்றி பெற்ற வேட்பாளர்கள் பின்பற்ற வேண்டிய படிகள்:
- உங்கள் பரிந்துரை கடிதத்தை அணுகவும்
- இணைப்பைப் பார்வையிடவும்: இங்கே கிளிக் செய்யவும்
- உங்கள் பரிந்துரை கடிதத்தைப் பதிவிறக்கவும்
- உங்கள் உறுதிமொழியை திட்டமிடுங்கள்
- மாவட்ட நீதிமன்றப் பதிவாளரைத் தொடர்பு கொள்ளவும்
- மாவட்ட நீதிபதி முன் சத்தியப்பிரமாணம் செய்வதற்கான தேதியைப் பெறவும்
- உங்கள் பதிவை பூரணப்படுத்தவும்
தேவையான ஆவணங்கள்
- நியமனக் கடிதத்தின் சான்றளிக்கப்பட்ட நகல்
- சத்தியப்பிரமாணம்/சான்றிதழின் நகல்
தேவையான தகவல்
- முழுப் பெயர்
- முகவரி
- அனுமதி இலக்கம்
- ஐடி இலக்கம்
- இரண்டு தொலைபேசி இலக்கங்கள்
இந்த செயல்முறை, புதிதாகத் தகுதி பெற்ற மொழிபெயர்ப்பாளர்கள் நீதி அமைச்சகத்தில் முறையாகப் பதிவு செய்யப்படுவதையும், இலங்கையில் சட்டப்பூர்வமாக சத்தியப்பிரமாணம் செய்த மொழிபெயர்ப்பாளர்களாகப் பயிற்சி பெறுவதையும் உறுதி செய்கிறது. உங்கள் பதிவில் ஏதேனும் தாமதங்களைத் தவிர்க்க, சத்தியப்பிரமாணத்திற்குப் பிறகு அனைத்து நடவடிக்கைகளையும் உடனடியாக முடிக்க மறக்காதீர்கள்.
சத்தியப்பிரமாண மொழிபெயர்ப்பாளர் தேர்வு (2023)
சத்தியப்பிரமாண மொழிபெயர்ப்பாளர் தேர்வு – 2023 (வெளிநாட்டு மொழிகள்) முடிவுகள் - தேர்ச்சி மதிப்பெண் 50
பிரமாண மொழிபெயர்ப்பாளர் தேர்வு 2023 (உள்ளூர் மொழிகள்) முடிவுகள்
சிங்களம்/ஆங்கிலம்(தேர்ச்சி மதிப்பெண் 26)
சிங்களம்/தமிழ்(தேர்ச்சி மதிப்பெண் 31)
தமிழ்/ஆங்கிலம்(தேர்ச்சி மதிப்பெண் 32)
மறுபரிசீலனை
பதிவு இலக்கங்கள்
சத்தியப்பிரமாணம் செய்த மொழிபெயர்ப்பாளர்களுடைய பெயர்ப்பட்டியலை புதுப்பித்தல் (Update) மற்றும் அதனுடன் தொடர்புடைய பதவி முத்திரையைத் தயாரிப்பதற்கான ஆலோசனைகள்.
- சத்தியப் பிரமாணம் செய்த மொழிபெயர்ப்பாளர் பரீட்சையில் சித்தியடைந்த தாங்களுடன் தொடர்புடையதான அதிகார எல்லையிலுள்ள மாவட்ட நீதிமன்றத்தில் சத்தியப்பிரமாணம் செய்து, அது பற்றி எமது அமைச்சு அறிந்துகொண்டதன் பின்னர் அமைச்சின் சத்தியப்பிரமாணம் செய்த மொழிபெயர்ப்பாளர்களுடைய பெயர்ப்பட்டியலில் தங்களது பெயரும் உள்ளடக்கப்படும்.
- மேலும் தங்களால் எதிர்காலத்தில் மொழிபெயர்க்கப்படும். ஆவணங்களை உறுதிப்படுத்துவதற்கு அவசியமான பதவி முத்திரையை தயாரிக்கின்ற போது பின்வரும் விடயங்கள் கவனத்திற்கொள்ளப்பட வேண்டும்.
- அதன்படி தங்களது பதவி முத்திரையில்‚
(i) பெயர்,
(ii) பதவி,
(iii) பதிவிலக்கம்,
(iv) சத்தியப்பிரமாணம் செய்த மொழிகள்,
(v) முகவரி மற்றும்,
(vi) தொலைபேசி இலக்கம்/ இலக்கங்கள் குறிப்பிடப்படல் வேண்டும். - மேலும், ஒவ்வொரு மொழிபெயர்ப்பாளரின் மாதிரி கையொப்பமும் கீழே குறிப்பிடப்பட்டுள்ள படிவத்தில் அமைச்சகத்திற்கு அனுப்பப்பட வேண்டும்.)
பதவி முத்திரைக்கான மாதிரிப்படம்
