රුපියල් මිලියන 144 ක මුදලක් වැය කරමින් ඉදි කරන ලද නිකවැරටිය දිසා අධිකරණ ගොඩනැගිල්ල විවෘත කිරීම අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර මහතාගේ ප්රධානත්වයෙන් අද (03) පෙරවරුවේ සිදු විය.
මෙතෙක් ඒකාබද්ධව පැවති මහෙස්ත්රාත් අධිකරණයේ සහ දිසා අධිකරණයේ කටයුතු වෙන් වෙන්ව සිදු කර ගෙනයාමේ පහසුකම නව ගොඩනැගිල්ල ඉදි කිරීම තුළින් ලැබෙන අතර, අධිකරණ කටයුතු පවත්වා ගෙන යාමට අවශ්ය මුලික පහසුකම්, කාර්යාල අවකාශ, විනිසුරුවරුන්ට සහ අධිකරණ කාර්ය මණ්ඩලයට සුදුසු සේවා පරිසරයක් සහ මහජනතාවට පහසු ප්රවේශයකින් යුක්තව අධිකරණ ගොඩනැගිල්ල ඉදි කර තිබේ.
නිකවැරටිය දිසා මහෙස්ත්රාත් ජී.කේ.එස්.කේ.සමරතුංග මහත්මිය උත්සවයේ පිළි ගැනීමේ කථාව සිදු කළ අතර, නිකවැරටිය අධිකරණ නීතිඥ සංගමයේ සභාපති, නීතිඥ ආර්. බී. හේරත් මහතා ස්තූති කථාව සිදු කරන ලදී.
මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල, කුරුණෑගල දිස්ත්රික් පාර්ලිමේන්තු මන්ත්රිනී නීතිඥ ගීතා හේරත්, අධිකරණ සහ ජාතික ඒකාබද්ධතා අමාත්යාංශයේ අතිරේක ලේකම් (පාලන) සමන්ත විජයසිංහ, නිකවැරටිය ප්රාදේශිය සභාවේ සභාපති නිලන්ත බණ්ඩාර, නිකවැරටිය ජ්යෙෂ්ඨ පොලිස් අධිකාරී එස්. පී. කේ.ගාල්ලගේ යන මහත්ම මහත්මීන් ඇතුළු අධිකරණ සහ ජාතික ඒකාබද්ධතා අමාත්යාංශයේ නිලධාරීන්, නීතිඥ මහත්ම මහත්මීන්, නිකවැරටිය අධිකරණ කාර්ය මණ්ඩලය, පොලිස් නිලධාරීන්, රාජ්ය නිලධාරීන් මෙම අවස්ථාවට එක්ව සිටියහ.
